Saga Hjalta Ómars
Það var ótrúlega skemmtilegt að fylgja Hjalta í gegnum þetta ferli. Hann er mikill nautnaseggur og var ekki alveg tilbúinn að samþykkja eitt og annað sem ég lagði til svona fyrst um sinn 
🙂.
.
Hjalti tók þessu þó öllu verulega alvarlega og gaf ekkert eftir í æfingum og mataræði en lenti eðlilega á nokkrum hindrunum á leiðinni. Þrjóskaðist við að minnka skammta, taka út nasl og drykki ansi víða o.s.fr.v.
En stundum þarf maður bara að prufa hlutina og láta reyna á þetta, hann tók að lokum út þetta “litla auka”, lét einn góðan disk nægja, hætti nartinu og viti menn það hélt áfram að leka af stráknum.
Það má svo ekki gleyma því að Hjalti lyfti lóðum af miklum móð og hljóp meðfram þessu öllu, hefur náð miklum bætingum í líkamsræktinni og er orðinn léttur á sér og flottur á fótboltavellinum.
Hann er svo sannarlega mikill nautnaseggur enn þann daginnn í dag, en hefur fundið þetta jafnvægi sem er svo gríðarlega mikilvægt og nýtur þess að borða hreint og gott fæði 80-90% tímans sem skilur eftir pláss til að gera extra vel við sig þegar tilefni er til þess.
“Fyrir rétt rúmlega 5 árum síðan tók ég eina af bestu ákvörðunum lífs míns, ég settist niður með Ella og horfðist í fyrsta skipti í augu við hversu óhamingjusamur ég var með stöðuna á sjálfum mér. Elli tók mér fagnandi og smitaði mig rakleiðis af gríðarlegum metnaði og orku. Saman fórum við síðan af stað í leiðangur sem mun móta mig það sem eftir er lífs míns.
Ég er semsagt mikill nautnaseggur og átti í mjög óheilbrigðu sambandi við mat áður en ég ákvað að leita til Ella. Með því að umbylta viðhorfi mínu til næringar, líkamsræktar og heilbrigði hefur okkur tekist að skapa heilsubakteríu sem hefur hægt og rólega hjálpað mér að nálgast markmiðin mín.
Metnaðurinn, áræðnin, þekkingin, gleðin og áhuginn sem Elli smitar mann af er einstakt fyrirbrigði. Elli hefur verið boðinn og búinn við hverja hindrun og veitt mér ómetanlega ráðgjöf í gegnum tíðina. Án hans væri ég ekki á þeim stað sem ég er í dag. Sterkari bæði líkamlega og andlega. Takk fyrir mig Elli!